令血管擴張

要輔助男性性功能障礙嘅食物，坊間都有好多，今日要介紹畀大家嘅食品，卻十分便宜，而且可以治療多種性功能障礙嘅毛病，呢種食物就係大家常見嘅紅棗。據浙江中醫藥大學嘅研究所得，紅棗含豐富維他命，包括維他命A同維他命C，至於氨基酸亦含有賴氨酸同精氨酸；此外，人體必須嘅鈣、鐵等36種微量元素，紅棗內都有，具消除疲勞，增強耐力功效，能改善病患嘅體質，但最重要係紅棗內有一種環磷酸腺苷，呢種物質可以有擴張血管嘅功效，不僅可以促進心臟及血管健康，亦可以改善陰莖的充血情況，增加勃起時硬度。

不宜食過多

據古代中醫師所寫嘅《名醫別錄》中記載，男士食用紅棗會有「堅筋骨、助陽氣、令人肥健」嘅功效，特別係氣虛型嘅腎虧朋友，由於氣虛引至冇嚟性慾，就算美女當前都冇嚟火氣，如果多食紅棗就會有助改善性慾不振嘅情況，可以增強性慾。

紅棗有補益身體、滋潤氣血、強壯機能嘅功效，但又咪當佢係仙丹，因為紅棗性熱，所以體質燥熱嘅男士不宜食用，另外每次食用不能過多，另外紅棗糖分極高，多食會引起蛀牙，中醫師建議一日最好食十粒，過多無益，會有反效果。

撰文：小德