唔少玩家去到夜總會，都鍾意撩吓啲媽咪，言語調戲固然無傷大雅，但如果毛手毛腳就唔係咁好，分分鐘會惹禍上身添！話說有個老友，最近帶隊北上玩樂。其中一個隊員唔知係咪色迷心竅關係，唔單止出口撩媽咪，仲捉住媽咪坐大髀大肆輕薄一番。雖然事後老友對媽咪道歉兼賠錢，但媽咪仍然相當氣頂，要隊員親自同佢道歉。點知隊員卻耍手兼擰頭，仲指摘媽咪扮嘢，激到媽咪拂袖而去。
老友見媽咪再冇入嚟，以為呢件事不了了之，點知當佢哋離開酒店後，突然有幾個男人將隊員拖埋牆邊打咗一身，然後就作鳥獸散。氣憤嘅隊員便返酒店同媽咪理論，媽咪當然唔認同佢有關，而隊員亦因為冇證據關係，只好谷住條氣走。
其實依家啲媽咪手下起碼有十幾條友，每個月收入隨時多過你同我份糧加埋，閒閒哋都有幾層樓揸手，加埋人面又廣，咁樣落佢哋面肯定會玩出禍。咪以為好似以前咁，啲媽咪任你抽水都冇問題至得架！
撰文：大軍