唔少年輕人都鍾意北上消遣，的士高更係佢哋嘅主要玩樂之地。提起D場，我大軍認為可以將佢哋分作三個類別。第一個類別係Fing頭場，即係客以「毒男、毒女」為主，呢啲場特別多o靚仔o靚妹，亦有妓女喺入面搵食，而且龍蛇混雜，可以話黃賭毒樣樣都有。第二類就係劈酒場，亦即係所謂嘅「D吧」（酒吧加入的士高元素），呢類場反而比較多「待溝」少女，一般嚟講，佢哋通常唔介意其他人撩佢哋一齊玩，但溝女就要小心，宜先清楚對方背景，否則隨時成為不法之徒嘅獵物。第三類為私竇，多數開設於高級會所或星級酒店之內，出入多數以遊客居多，冇咁多閒雜人，當然比以上兩類安全得多。
睇過以上資料，相信大家日後北上落D都會識揀，同時亦奉勸各位老友去蒲時，認真要時時刻刻打醒十二分精神，始終呢個世界乜嘢人都有o架！
撰文：大軍