上百觀眾

內地人愈來愈對生活質素有所需求，除咗消費要豪華之外，同時亦非常注重個人娛樂，入戲院睇戲則成為近年內地人熱愛嘅娛樂活動之一，所以唔少外地電影都趕住打入市場分一杯羹。當然，內地多觀眾入場睇戲，亦帶旺埋戲院嘅生意，絕對有賺冇蝕。不過，最近就有消息指出，南寧市五塘鎮有間戲院居然唔播電影，莫非佢有生意都唔想做？唔係，原來呢間戲院每隔幾日就會改為上演「特別節目」，而呢種特別節目正係脫衣舞喇！每次有脫衣舞表演嘅時候，戲院都會播出誘惑音樂，最抵死係門口負責推銷嘅男人仲會講：「人生須盡歡，樂在電影院，十元看一晚，此生無遺憾……」每晚脫衣舞表演都會分為前、中、後三個時段，每個時段則為兩個小時，十蚊人仔睇一次脫衣舞實在抵到爛，所以每次表演都吸引超過一、二百人入場。

門前艷女

每場表演只要湊夠人數，工作人員就會即刻將門口嘅所謂設施搬晒入戲院，然後落閘。之後，安坐戲院嘅觀眾就可以見到幾個身上只圍住絲巾嘅裸女出場。佢哋會慢慢扭動胴體跳舞，繼而將僅有嘅絲巾都剝埋。之後又繼續跳極盡誘惑嘅艷舞，睇到場內嘅觀眾個個都熱血沸騰。睇完一輪咁精彩又咁火辣嘅脫衣舞，就算唔捨得，觀眾都只好乖乖離場，一係就再畀10蚊睇第二場。然而，當觀眾步出戲院之際，就可以見到唔少艷女已經等候多時，佢哋一見到觀眾出嚟，就會即刻上前勾搭，目的當然係拉客到附近嘅酒店開房，畀觀眾一個解決慾火嘅機會啦！觀眾同艷女傾好價錢之後，就可以趕快開房，一洩被脫衣舞女郎挑起嘅慾火。

撰文：賢