笨占:買咗個像真如意棒返屋企，諗住同女友曳曳。點知女友見到支棒，竟然擰頭話唔玩，原來佢嫌個玩具太過像真，惡形惡相好恐怖！查實係咪好多女仔都唔鍾意玩像真玩具嘅呢？如果係嘅話，係咪應該揀個造型可愛啲呢？
蟲蟲:其實你個女友係咪第一次玩情趣玩具？如果係嘅話，有咁嘅反應一啲都唔出奇，尤其係嗰啲像真玩具，巨型得嚟上面仲現晒青筋，莫講話你女友怕怕，有時我見到都會嚇咗一跳，故此都係買個可愛啲嘅玩具啦！
思文:我反而鍾意像真玩具，而且造型要愈真愈好。因為如果造型唔夠真嘅話，好難令我投入其中，所以我就最鍾意買激似真實如意棒嘅玩具，青筋固然唔少得，最好就係有埋兩粒「波子」，玩起嚟就更加興奮。
大Ｄ:雖然話造型可愛嘅情趣玩具，容易啲畀女性接受，但係我就認為，造型可愛未必可以帶畀女性至大嘅快感。如果唔想再出現呢種情況嘅話，你下次大可帶埋女友一齊去買，到時等佢揀，既知道佢嘅心意，玩起嚟亦更加開心，係咪？