深圳布吉呢期十分熱鬧，夜場生意好到不得了，上一年嚟嘅時候，仲係水靜鵝飛，點解突然咁好景呢？有布吉朋友話佢哋呢度嘅房地產靜咗十幾年，近呢一年突然間連續標升，本身一間十零萬都冇人要嘅房，家陣炒到三四十萬，所以個個街坊都發大達，啲街坊有錢自然身痕，於是個個都走出嚟大吃大喝，連帶夜總會同休閒中心啲生意好到不得了，至於髮廊街，聽講喺個別小區都有出現，當然冇十幾年前咁興盛啦，但都總算有點復甦，唔似一年前咁死氣沉沉。但布吉畀本人嘅印象，就係一個「亂」字，十幾年前係咁，十幾年後都一樣，除咗街上面亂哄哄之外，夜場冇晒制度，亦係最亂嘅地方，例如價錢亂嚟，服務欠保證，最離譜就係啲囡囡惡過經理，有心情就乜都得，冇心情就話之你，客人投訴完全唔理，所以多宗客人投訴後畀夜場保安毒打嘅案件，就係喺呢頭發生，奉勸各位，聽到布吉好玩，都咪亂貢上去幫襯，否則後果自負呀！