我大軍亦認識不少經常中港兩邊走嘅港男，不時提醒佢哋切勿貪平幫襯企街，對囡囡主動上前勾搭切勿色心起，假如要玩必定要搵間大場幫襯，起碼玩得安心啲！但就算玩，都千祈咪食回頭草，事關畀對方起清你個底對自己無好處。曾經有位嫖友就因為長期幫襯一個「舊相好」而出事，呢位嫖客，大約一年前開始，由於每星期都會上廣州逗留一日買貨，試過一次交易後，嫖客覺得對方身材正、床上又主動，亦無要求小費，事後更陪食飯兼送搭車，留下好印象！嫖客以為執到筍嘢，於是每次出發前都會打定電話叫囡囡準備，但半年前，囡囡就趁同嫖客交易前，表示肚餓，然後叫外賣，十五分鐘後就有兩名壯男衝入酒店房將嫖客毒打，搶走現金及手提電話，甚至連嫖客嘅所有衫褲都攞走，好在對方淨係要錢，否則連命仔都凍過水！此類事件經常發生喺港客身上，故事教訓大家，要玩都要預計後果！

撰文：大軍