日本妹：今年識到個男仔，又靚仔又有型，諗住平安夜將隻豬奉獻畀佢，我仲訂定聖誕大餐，同佢燭光晚餐之後，就返屋企齊齊劏豬倒數，點知佢趙完鬆，食完個大餐就借啲意走咗人，搞到我一個返屋企，形單影隻咁過節，請問佢係咪唔愛我呢？
鬍鬚仔：仲使講咩，九成唔愛你啦！如果真係鍾意你嘅，嗰晚仲唔黐實你，同你恩恩愛愛，纏纏綿綿咩？我話佢好可能仲有大批女朋友約咗佢，所以搞到分身不暇。
冇雷信：首先阿女你有冇檢討下自己，究竟係乜嘢料子先，幾廿歲仲有豬喺身，九成賣剩蔗，咪以為有錢請人食大餐，就一定有下文至得架！畀我都趙完鬆呀！
隊長：又唔好咁話人，正所謂各花入各眼，每個囡囡都有佢自己嘅優點，只係佢遇人不淑啫，如果有囡囡請我食飯，我一定會知恩圖報，陪佢倒數到天光又如何！