黑咪佩佩：有次同男友做愛嗰陣，見到我身穿黑色內褲而唔高興，細問之下，原來佢聽講過「黑底」會影響運程，於是要我丟晒所有黑色內衣褲，改着紅色，仲話咁樣就可以提升運氣，做乜嘢事情都會順利啲。各位朋友，究竟有乜方法可以令男友唔好咁迷信呀？
怪胎傑：據我所知，着紅底褲去增旺運氣，係好多賭仔嘅習慣，所以我認為你應該先了解你男友係咪一個沉迷賭博嘅人，若然真有其事，梗係飛咗佢啦！
兔兔小花：穿着乜嘢顏色內褲係個人自由，你男友連呢啲事情都要管，簡直係欺人太甚，畀我就會先鬧佢一大餐，仲唔同佢做愛，以示懲罰。
呆呆小楠：你應該解釋畀佢聽，要換紅色底褲嘅人應該係佢先啱，事關從頭到尾都只係佢嘅個人想法，唔想換就唔好換，男人唔得縱架！