迦莉係有名嘅化妝師，同唔少靚女歌星做化妝，所以每逢大時大節，都要陪住佢哋登台，足足十年，所有大時大節都係一個人過，佢今年生日又咁啱要隨團演出，於是一個人喺酒店過佢30歲嘅生日，當吹蠟燭時，忽然好想有個男人陪佢。
就喺呢個時候門鐘響起，當迦莉開門時，發現一個靚仔滿身酒意咁衝入嚟抱住佢，仲猛話對唔住！自己嚟遲咗。之後就同迦莉熱吻起嚟，起初迦莉都想掙扎，但靚仔真係幾帥，而且接吻技巧高超，迦莉於是逆來順受，當係上天畀佢嘅生日禮物。
當迦莉拆禮物時，更發現靚仔天生異稟，於是更唔放佢走，主動展開攻勢，同佢由半夜大戰到天光，過咗最稱心滿意嘅生日。
翌日，靚仔酒醒見到迦莉，大叫奪門而出，然後猛拍隔籬房門，求新婚太太原諒，原來靚仔尋晚同太太嘈咗兩句，然後一支公去酒吧買醉，飲醉咗返房竟拍錯門，無端端益咗迦莉，最後靚仔氹得老婆原諒，繼續度蜜月，當然同迦莉嘅事絕口不提啦，而迦莉亦開心有一個咁難忘嘅生日。
撰文：小德