去內地玩得多，經常都睇見客人同夜場職員嘈交，由於睇得實在太多，所以近年遇到啲咁嘅事，理都唔理佢。點知最近去深圳揼骨，由於呢間場我經常去，所以同經理特別熟，咁啱我沖完涼出嚟，就見到經理同兩個客人嘈交，仲推嚟推去。
見到咁嘅情況，正想閃身直接入房，點知畀經理見到，一手拉住我，話我係香港人，又係呢度嘅熟客，由我嚟解釋畀客人聽就最啱。講真，我幾十歲人從來唔做和事老，今次咁都畀我撞上，惟有勉為其難，一接手馬上問清楚兩班人嘈啲乜嘢先？
原來客人玩完雙鐘服務，送咗兩個大廳嘅師傅鐘，其中一個冇玩，另一個玩完一樣，想玩埋朋友嘅服務，點知經理話唔得，因為一個匙牌，規定享受一個服務，唔可以雙重享受，今次真係公說公有理，婆說婆有理。其實喺平時，只要侍應醒目，匙牌號碼分開落，就神不知鬼不覺，但你開聲話要，人哋公司規矩又唔改得，真係冇得搞，最後討價還價，師傅鐘堅決冇得換人頂上，但就由經理簽八五折，雙方滿意散場，但我就花咗成個鐘進行游說，而我所得嘅只係九折，早知我都嘈啦！
撰文：大軍