語言露骨

互聯網發達，除咗令大家上網搵資料方便之外，仲令大家可以同遠在外地嘅朋友溝通，亦可以利用各種聊天軟件交朋結友，但係誤交損友導至人財兩失嘅新聞不絕，可見網上交友實在需要極之謹慎！然而，好多青少年就係忘記教訓，更加鍾意利用互聯網溝女，甚至專程尋找援交少女添！當然，唔玩援交，玩一夜情嘅亦有，仲特別搵正正經經嘅大學女生做對象，然而咁樣又算穩陣咩？錯晒！原來，大學才女都可以係騙徒，利用網友嘅色心呃錢！

較早前，內地網絡上出現一個網絡紅人叫做娜娜86，佢聲稱自己係上海某師範大學嘅中文系才女，精通詩詞歌賦，仲識得彈鋼琴。然而，因為感情受創，家境又唔好，所以兼職援交，一來幫補家計，二來可以得到慰藉。同時，呢位才女自我介紹嘅時候，用詞亦極之露骨，例如「小女子身體非常敏感，一摸就全身顫抖。下面亦很緊很深，還會蠕動，前男友曾經說我是名器，做一次就有相當於三次的快感。」

精心布局

當呢位才女吸引到網友嘅時候，佢唔會立即答應出街，因為「我一般不做陌生客人」，會得特別要求網友講出邊個介紹，仲要求網友將相片傳送畀佢過目，睇過唔係面目可憎，猥瑣不堪先會作進一步了解網友嘅背境。

才女了解完一輪之後，就會傳送一個文字檔案畀網友，上面列明「我兼職的若干規矩」，寫咗15條要求，例如係唔準用SM工具、唔準帶拍攝工具等等主要用嚟保障才女自己嘅條款。當網友答應之後，才女又會落嘴頭表示「我都希望我們可以像情侶一樣有靈與慾的完美交融，你就當我是你女朋友一樣愛我，而我也會對你非常溫柔。因為只是單純為了錢，我會惡心我自己啊！」聽完佢咁講，好多網友都已經落晒搭，而才女呢個時候就會約好見面時間同地點，再叫網友過數入一個特定帳戶。不過，過完數之後，一眾網友梗係發覺受騙啦！原來，呢個才女的確真有其人，但係就有騙子盜用咗佢張靚靚嘅性感相，而受害人一路交涉嘅對象正係呢個騙徒！所以話，網上交友真係要小心，尤其係自己都立心不良嘅時候，亦唔好旨意對方安分守己。

撰文：賢