去夜場玩其實有好多事情喺你身邊發生，但係大家因為無留意所以唔知，大家都知道夜場係乜嘢地方，可以因為爭生意，甚至乎係少少錢而大打出手，刮王經常喺甩七打一帶打躉，有一日去夜總會玩嘅時候，就見到兩位小姐喺後台打交，而女人打交就唔會太狂，只係大家扯吓頭髮同扯甩對方衣服。
為錢打交
刮王向經理了解之後，先知道原來係因為兩位小姐同時服侍一個客人，但係客人畀小費時，就一位小姐一千銖，另一位就二千銖，咁就有問題啦！你多我一千，咁條氣就梗係唔順啦，兩位小姐到後台商討，少錢一方當然希望可以平分，但係另一方當然睬你都傻，跟住二話不說當然大打出手。
慎言慎行
刮王喺度講呢件事，只係想同大家講，有陣時作為客人只係一個好小嘅決定，就可以令到唔同結果產生。當然，客人就係客人，鍾意畀就畀，唔畀都得，但係一個小決定，就可以搞到兩位小姐大打出手。其實早年刮王聽過，一位客人好鍾意講事非，佢喺某一間場，同一位小姐講另一位小姐無波無籮，而且性技又差，所以搞到呢位小姐無客人幫襯，結果係點？因為佢無生意所以一時諗唔開，卒之自己搞掂咗自己。刮王只係想喺度講，作為客人無謂事就唔好做，要記住小姐都係人，佢哋打份工搵食都好慘。
撰文：刮王