26/08/2009

播放本新聞相關短片

男色誘惑:互動情色展大賣開放性文化

近期有好多展覽,例如係書展、漫畫節、美食節等等,相信好多朋友都會親身去睇吓新鮮事物,當然,梗係唔少得去睇一下o靚模有幾索啦!不過,索成點都好,大會一定會吩咐佢哋唔好露咁多,令大家覺得大為掃興!與其就住就住,不如去美國感受一下當地嘅性愛文化仲過癮啦!

肉光四射

近期香港舉辦嘅各種大型展覽會,都會請嚟一班o靚模助陣,由於佢哋又後生又好身材,所以吸引到大量男士入場支持,令會場內更加人頭湧湧。但係,o靚模雖則係索,而且仲會以性感裝扮登場,不過,佢哋所謂嘅健康性感都係就住就住,要睇得過癮又興奮,就絕對唔及歐美各地舉行嘅色情博覽會喇!

最近,其中一個世界最大型嘅色情博覽Exxxotica已經於美國邁亞密順利舉行,不過大家唔使擔心走寶,因為喺嚟緊嘅9月25至27日,佢哋又會移師到美國新澤西,大家有時間嘅話千祈唔好錯過喇!因為,呢個色情博覽匯聚世界各地嘅情趣用品商參展,將會展出最新最勁嘅情趣用品,保證大家大開眼界。除此之外,博覽會仲邀請到各大大小小四仔片商參展,而負責推銷嘅,當然就係一眾樣靚而身材激凸嘅四仔女星啦!睇到班四仔女星着住內衣褲,甚至係透視裝通場走,真係肉光四射呀!

索女切磋

能夠自稱為世界上最大嘅色情博覽會之一,Exxxotica當然唔係流啦!主辦單位除咗請到大量情趣用品商同四仔廠商到來之外,仲安排咗一系列豐富又有味嘅節目畀入場人士細心欣賞。如果行到攰攰哋嘅話,可以行到舞台前搵個靚位欣賞脫衣舞以及真人騷,脫衣舞固然唔少得一班性感嘅美女將衣服逐件逐件除低啦!

真人騷都唔輸蝕,因為呢類真人騷有時會有三幾個美女上台進行濕身混戰,互剝泳衣,然後再用震盪棒互相對決,戰況激烈非常,仲隨時搞到水花四濺,台下嘅觀眾真係要帶定雨具先得喇!另一方面,近期大會仲新增一個節目,就係搏命擂台大賽!邀請不少摔角好手來臨參加比賽,摔角手不時打出真火,場面相當火爆激烈!當然,摔角手有男有女,輪到女子選手上台,同樣打到波濤洶湧,亦充滿走光場面,唔係摔角迷都一樣睇到唔捨得走!

互動性強

大會都知道得個睇字絕對滿足唔到一眾鹹濕佬,所以博覽會亦有好多節目同入場人士進行互動。同一眾四仔女星合照屬於互動嘅一種,但係如果想玩得激啲嘅話亦絕冇問題。上文提及嘅真人騷,其實亦不時邀請台下來賓參與,想更深刻體驗佢哋火辣胴體有幾大威力就不容錯過喇!

不過,大家要小心,因為一班艷舞女郎同四仔女星絕對唔會手下留情,除咗會用一副性感胴體對來賓又搓又磨之外,仲會用上最新推出嘅情趣用品,例如用震震棒挑逗,又或者出動吹氣娃娃,再叫來賓即席演練性技,誓要將來賓搞到當眾出醜,不過,人生在世,能夠同班頂級靚女親近一定覺得不枉此生,出醜咪出醜囉!另外,Exxxotica每一次都會舉行選美大賽,選出最好身材小姐、最性感小姐等等榮譽,入場人士有權一人一票選出心儀佳麗,唔會搞小圈子選舉。除咗以上環節,場內各處亦有不少位置可供玩樂,真係令人樂而忘返㗎!

撰文:賢