人人偷食

有一個調查，通過網絡訪問咗七萬多名已婚男女，結果顯示雖然有百分之八十嘅人認為另一半不忠係絕不能原諒，但係有接近四分之一嘅已婚男女，承認對佢哋嘅配偶有欺騙背叛行為。呢種矛盾現象，代表咗好多人偷情並非經過理性思考，更多係源於感性而引發出嚟。而調查亦指出，最容易發生外遇嘅對象係朋友及同事，其次竟然係鄰居喎！

呢個研究結果更指出，不論男女都會有偷情活動，而且普遍存在於已婚男女嘅生活中，不過男女偷情嘅動機會唔會相同呢？曾為人妻嘅脫星布斯（April Blossom）就表示：「男性同女性偷情嘅動機非常唔同，總括而言，男性偷情係為求洩慾，而女性偷情就係為咗尋找感情上慰藉。我認識嘅男性朋友當中，通常偷食關係只維持一個月，甚至更短一周或幾日都有見過，極少會發展到情侶關係。」照阿妹咁講，大部分男人都係為咗性滿足，並非為尋找一段持久關係。不過脫星露絲（Addison Rose）就話：「我就好唔同，我身邊嘅姊妹超過一半對偷食關係大約維持半年或以上，甚至可以細水長流。」咁大單，咁究竟邊種女性最易出軌呢？

莫名吸引

風情萬種嘅女性，一向以嚟都係男性最愛尤物首位，雖然呢種女性對男性有種莫名嘅吸引力，但係對一段婚姻關係嚟講，則係一個計時炸彈，隨時有一觸即發嘅可能。露絲都好認同：「事關風情萬種嘅女性，往往渴望成為眾人焦點，集萬般寵愛於一身，此外，呢種女嘅性格往往任性妄為，如果遇上心儀嘅男性的話，一段風流韻事就此發生。」咁搵老婆千祈咪搵呢種囉！

照阿妹咁講，搵個捱得嘅女人係咪最好呢？露絲妹竟然話貧困係導致偷情嘅另一重要元素：「事關每個女性都希望婚後生活安穩快樂，若然搵着件窮郎，連基本三餐都要憂柴憂米，每日擔驚受怕，試問咁嘅情況下，畀你遇到個稍為有啲條件嘅，又點會唔心動呢？」

食極唔飽

女人索又死，唔索又賴嘢，即係凡係女人都會偷食啦！既然係咁，不如搵個食飽無嘢做嘅寡婦最好不過囉！露絲妹解釋：「咁就大錯特錯，雖然寡婦係好想搵個固定對象，之不過寡婦往往會成為其他人嘅第三者嘅。事關寡婦每每會令男性不期然產生保護情緒，最後由憐生愛，而當事人由於心靈空虛，結果無意間就介入咗人哋嘅婚姻當中而不自知，於是發展成偷食事件，咁你話係咪死呢！」真係點揀都死，咁我明白喇，都係搵個脫星做伴，起碼床上認真爽一鑊，大家開心過咪算囉！

布斯小檔案

出生日期：1982年2月11日

三圍：36C、24、36

身高：5呎6吋

露絲小檔案

出生日期：1987年4月26日

三圍：32B、24、34

身高：5呎5吋

撰文：祖