有玩開瑜伽或者氣功嘅朋友都知道，呢啲班嘅老師多數都冇乜火氣，啲學生點激佢哋都會平心靜氣咁開導，所以都會叫佢哋做大師。但今日介紹嘅短片，就係講一位平時好好脾氣嘅大師被人激到發火。
堅堅大師喺草地開班授徒，一眾弟子喺草地上盤膝而坐，個個都專心聽大師講解，但喺大師把聲音當中，竟夾雜住一把聲音。
原來肥婆珍喺度猛同啲學員吹水，又話買衫，又話買股，大師已經乾咳過幾聲，但佢都不以為意，繼續同身邊嘅同學吹水。
最後大師喝斥：「你要買嘢就唔好嚟呢度，嚟呢度係要修心嘅！」肥珍話：「你嬲成咁仲可以修心咩？」大師激到啤一聲。
小德