氣血暢通
兩位來自澳門大×豪桑拿殿工作嘅技師阿T及Anna，佢哋不約而同表示，只要經佢哋兩三下手勢，就可以將性功能危機消滅。阿T話：「真係唔到你唔信，只要經常用手按摩根本部位，就已可以改善當中嘅血氣運行。」如果唔係你講，真係估唔到按摩咁有用。阿T繼續話：「因為有新血液不停供應，咁就會加強根本嘅功能，提高男性精力！」
聽你咁講，似乎又真係好簡單，不過應該點樣按，同埋按幾耐？「按摩最好係一日一次，而每次兩三分鐘就足夠，太多會適得其反，至於點按就簡單，只要用手指輕輕搓就得。」阿T仲話得閒無事瞌埋眼，可以有助提高性嘅敏感度，但係瞌埋眼諗乜好呢？「咪就係諗吓同個靚女攬埋一齊嘅溫馨場面囉，至於細節同過程就梗係自編自導自演啦！」發吓綺夢都得嘅咩？「梗係得啦！你唔知咁樣可以令你嘅雄性激素分泌得到加強，而且仲可以直接訓練你身體相關嘅器官，效用真係好大㗎！」
食療輔助
偏食唔單止令身體營養失衡，仲分分鐘影響你正常性生活，Anna話：「魚類喺古時已經被視為滋養性慾嘅理想食品，尤其係鯊魚肉更係性愛嘅『催化劑』，加上魚肉含有豐富嘅磷，對男女性功能保健係十分重要。」
好彩小記好鍾意食魚，唔怪得保持到。咁除咗食魚之外，仲可以食啲乜？「海藻，因為含磺量超過其他植物，缺乏磺會導致性功能衰退，以及性慾降低。另外，韭菜都係其中一種輔助食療，對男性勃起障礙、早洩等疾病有很好療效，所以韭菜又名『起陽草』。」嘩！咁各位男士仲唔食多啲。
冷暖水浴
「你知沖涼都可以增強性功能嗎？」Anna話。唔係啩？咁都得，沖涼都可以有咁嘅功效？「其實正確嚟講，應該係用冷熱水交替咁嚟沖，呢種係好古老嘅練功方法，目的係用嚟增強男子性功能。」咁咪即係玩冰火？Anna笑道：「唔好笑得咁鹹濕啦！一聽到呢個敏感字眼就諗埋啲咁嘢，其實使用冷熱水交替沖涼時，最好維持一定室內溫度，咁就唔怕感冒，只要每日持之以恒，可令中年男性精力充沛，性功能增強，減輕疲勞感㗎！」小記都未開口，Anna已經搶住話有嘢講：「古人都講『食色性也』，係因慾乃人嘅本能，所以適當性愛係可以令人忘懷壓力，而且性生活亦可以消除緊張，令內分泌正常，並使免疫功能得以調節及正常發揮，加上可令新陳代謝正常，因此性愛本身就係最好嘅促性劑。不過，就算點都好，我建議你量力而為，不要操之過急！」但有時靚女當前，又真係好難忍嘅！
阿T 小檔案
年齡：19歲
三圍：34、24、33
身高：5呎5吋
Anna 小檔案
年齡：20歲
三圍：36、24、34
身高：5呎4吋
撰文：祖
攝影：世P