正當人人都話經濟未復甦，所以消費都仲未係好嘅時候，其實喺夜場入面，有好多人已經率先復甦。好似刮王最近去過一間夜總會，呢間場一向都係以做大客為主，簡單嚟講就係唔做散客，佢哋招呼嘅客人大部分都係身家過千萬嘅人。呢間場嘅經理話，其實喺過去一年入面，外面就話經濟唔好，好多細場都話無客人，但係對於佢哋嚟講就影響唔大。
就刮王所見，當晚有一位客人嚟光顧，但係客人未到，所以刮王可以由經理帶領之下入去睇睇，單係大廳已經有成近三十位小姐準備就緒，隨時迎接客人大駕光臨。聽經理話，呢度嘅客人入場每晚消費唔一定多，因為佢哋根本就唔係每晚結帳，而係玩月結，聽講客人每月埋單動輒都要成一百萬銖，即係折合港幣約二十萬，咁呢條數大家又話係唔係大呢？對於一般打工仔嚟講就更係天文數字，但係對於呢批富豪嚟講，呢條數都唔知要嚟做乜，最緊要係玩得開心。
而且近期場方又話開始爆滿，因為佢哋全場每晚都係招呼兩至三位客人，由於近半年經濟好番，所以富豪級又開始出動，所以搞到間場又唔得閒，小姐又唔夠。
刮王