貪新忘舊

今年二十歲嘅杉本有美，喺大阪市王壽區出生，高中時期開始拍拖，初戀情人係隔籬班一個男仔。據講，有美妹至今已拍過十幾次拖，雖然到最後都係無疾而終，但經歷過多段感情，佢發現分手嘅原因，都係因為男朋友貪新忘舊。

「都唔明白男人係乜嘢心態，溝我嗰陣，對我口甜舌滑，百般遷就，仲話會照顧我一生一世，點知到頭來只係講一套做一套，好似幾個月前，我工作時認識咗一個男人，佢任職攝影師，都幾有型㗎！拍咗拖之後，佢對我細心體貼，處處關懷備至，直到有次我去咗呢個男人屋企，孤男寡女獨處一室，自然會熱情吓。做完之後，趁佢走去沖涼時，我偷睇佢個電話，竟然發現佢同其他女仔玩情慾短訊，內容非常露骨，更以『傻豬』、『老公』等字眼互相稱呼，好明確佢外面有第二個。」有美妹表示，同男友拍拖一個月左右，對方就以性格不合而跟佢分手，令佢非常傷心。

諗計冧仔

雖然有美妹每次拍拖都係畀人飛，但係佢冇因此而放棄追求愛情，仲愈戰愈勇，後嚟仲畀佢諗到啲計仔去對付呢亭花心男友添，佢話：「其實辦法好簡單，就係同佢哋玩心理戰！初初被男朋友拋棄嘅時候，我都會懷疑係咪自己對佢唔夠好，但後來發覺問題根本唔喺我度，基本上大部分男仔都係貪新忘舊，自此之後，我就想辦法去留住佢嘅心。」

經過悉心研究，有美妹終於諗出咗兩套冧仔要訣，佢話：「第一，就係要做一個溫柔嘅小女人，因為個個男仔都大同小異，就算佢係一個小男人，都會鍾意畀人服侍，以盡情發揮佢嘅大男人本色。不過，當一個小女人亦唔可以終日扮成一個奴隸咁款，淨係聽從對方嘅說話，喺適當嘅時候都要表達自己嘅意見，否則，啲男仔又會嫌你冇性格囉！」呢位索女講到頭頭是道咁喎。

拒絕上床

至於第二招冧仔要訣，另一位水着妹辰巳奈都子就非常在行，佢話：「呢一招就係叫做『欲拒還迎』。要對付呢類花心嘅男仔，首先唔可以喺相識無耐就同佢上床，事關當男人輕易得手，之後嘅日子肯定唔會再重視你，事關佢會覺得呢個女仔過分易食，毫無挑戰性。所以，當佢向你提出性要求嘅時候，不妨拒絕佢。但為咗安撫佢，間中我會主動錫吓佢，甚至為佢作口舌服務，之不過只會係點到即止，要進一步嘅話，咁就睇佢平時表現好唔好喇！呢種做法嘅好處在於令男人對我有種患得患失嘅感覺，自然會覺得我好有挑戰性，對我更加感興趣啦，呢招欲拒還迎真係萬試萬靈㗎！」講到咁鬼掂，女士們有機會不妨試吓啦！

辰巳奈都子

出生日期：

1988年1月21日

身高：5呎3吋

血型：O型

三圍：32C、22、32

杉本有美

出生日期：

1989年4月1日

身高：5呎7吋

血型：A型

三圍：32C、23、33

撰文：娟娟