大吃大喝

失戀相信係人都試過，亦相信每次失戀大家唔多唔少都會感到心痛，心痛自己點解唔可以好好把握一段感情，更心痛自己喺對方身上使咗咁多錢，都唔可以留住佢個心。不過心痛都係冇意思，唔失都失咗，積極啲面對咪仲好，話唔定下一段感情仲浪漫、仲窩心呢！好似日本水着女優石井美帆咁，雖然佢樣靚身材正，仲有一對極品G奶，都一樣會畀人拋棄。不過阿妹並冇要生要死，反而積極面對。

石井美帆話：「我咁正，個衰人都唔識得珍惜我，實在係佢唔識貨兼走寶。所以，我絕對唔會再搵佢。不過，畀人拋棄之後嘅一段時間我都幾傷心㗎！話晒大家都有感情吖嘛！為咗令自己開心啲，我經常都會去食嘢，總之就係大吃大喝，化悲憤為食量！然而，我覺得效果最好，都係食多啲肉，因為食肉冇咁易肥，而且拎住啲肉嚟食嘅時候，我會幻想啲肉係個衰人，大啖大啖咁咬落去，好似咬緊佢一樣，感覺都幾爽！」

盡情露肉

美帆個樣咁索，身材又咁正，竟然都有人唔識貨，呢個男人真係抵咬多兩啖！而美帆嘅好姊妹，同樣係水着女優，更同樣擁有一雙堅挺美巨乳嘅水崎綾女就表示，自己被人拋棄嘅時候唔係化悲憤為食量，改為享受陽光與海灘。

水崎綾女話：「好多人受到情傷之後，就係傷心欲絕，成日都收埋自己喺屋企，其實咁樣做咪盞令自己成日有機會諗番起個衰人囉！我就唔會喇！失戀之後，我一定會去海灘曬太陽，一來個人精神啲，二來又可以欣賞海天一色嘅美景，呢個時候你就會發覺天大地大，仲有大把好男仔等緊自己，實在唔需要為咗一個衰人而唔開心！而曬太陽嘅時候，我一定會着上非常少布又窄身嘅比堅尼，將自己驕人性感嘅肉體盡情展露！行經嘅男人個個都睇到流晒口水！睇到呢個情景，我個人就會再次充滿自信，好快可以收拾心情再去溝仔喇！」

解放情慾

綾女同美帆一樣咁好身材，見到綾女着住性感比堅尼曬太陽，係男人都被佢吸引，相信唔少男士仲會主動出擊，向綾女搭訕兼大獻殷勤喇！提到獻殷勤，美帆表示自己唔知點解一失戀就會有大量男人送上門討好佢，但係美帆卻係對佢哋立心不良，美帆表示：「失戀之後，我除咗會大吃大喝之外，我仲鍾意約埋班朋友唱K同埋去酒吧飲酒。當然，朋友亦時不時會叫多幾個我唔識嘅朋友一齊玩。可能係因為失戀嘅女仔變得憔悴啦！所以，班男仔一眼就睇得出，再加上我咁索，佢哋經常都會對我大獻殷勤，圍住喺我身邊團團轉。不過，我知道佢哋都係想食快餐，佔我便宜，所以我會扮到好豪放咁，對佢哋又攬又錫，仲會大送秋波，搞到佢哋極度亢奮。不過，我梗係唔會真係益佢哋喇！搞到佢哋咁興奮之後，我就會極速閃人。一諗到佢哋今晚冇着落個樣，我就覺得好開心，乜痛苦都冇晒喇！」

撰文：賢