人有三衰六旺，旺嘅時候，記住要居安思危；而衰嘅時候千祈唔好放棄自己，終有一日會守得雲開。不過，所謂衰開有條路，有時黑起上嚟真係衰到冇人有。
今日明仔放假，去附近一間小型超市行逛一下。明仔向老闆娘表示想買娛樂雜誌，老闆娘唔知撞聾定係思覺失調，係都要賣本成人雜誌畀明仔！
所謂好男不與女鬥，老闆娘係都要賣本成人雜誌畀明仔，明仔惟有硬食啦！不過，當明仔想走嘅時候，撞正有賊打劫，兼即場將明仔當人質添！
畀劫匪捉住做人質都未算黑，最慘係電視台到場採訪嘅時候，手執成人雜誌嘅明仔被攝影機拍低，畫面播晒出街，係人都知道明仔買成人雜誌喇！
賢