不少人出外旅行嘅時候，都鍾意喺背囊度放番本小說，既能打發時間，又可解旅途寂寥。雖說小說能夠解悶，但如果揀咗本長夾悶嘅嚟睇，只會令你大打呵欠。有見及此，今次就為大家介紹呢本短篇情色小說集《Ultimate Burlesque - 30 Erotic Short Stories》，不但唔會悶到你上車就瞓，仲會愈睇愈過癮添！
呢本短篇情色小說集共收輯咗三十個題材各異嘅故事，當中包括人妻偷情、少女初體驗、餓狼喪𠝹女、蒲男手記等，總有一個啱你心水。有人可能以為，呢種炒雜錦式嘅情色小說，內容粗陋而文筆亦唔慌流暢。不過事實並非如此，事關書中所有小說，都經過編輯嘅精挑細選，內容不但引人入「性」，而文字仲非常精闢，加上每篇故事篇幅甚短，唔怕睇到一半就要落車，搞到到喉唔到肺。作為旅途自娛，或夜半無人時細味，呢本小說集係個唔錯嘅選擇。
書名：《Ultimate Burlesque - 30 Erotic Short Stories》
編輯：Alyson Fixter & Emily Dubberley
出版：Xcite
阿豪