玩樂時玩樂，工作時工作，係做人處事嘅最佳態度。不過有時玩還玩，記得千祈唔好玩得太過火，否則搞到樂極生悲，咁就唔係咁好啦！好似以下片段嘅主人翁咁，本來諗住同老婆曳曳，點知因為過度興奮，搞出個大頭佛。
妍女諗住文仔聽日放假，於是細心布置睡房，希望同文仔曳曳嘅時候，能夠得到更佳嘅感覺。如此細心嘅老婆，真係抵錫！
文仔聽到老婆嘅呼喚，邊跑邊除衫，希望能夠盡快跟妍女享受激情無比嘅晚上。正所謂「春宵一刻值千金」，文仔咁衝動絕對可以諒解。
文仔衝咗入睡房後，便即刻撲上床，點知妍女啱啱換嘅絲質床單卻滑溜無比，將佢跣咗出窗。文仔跣到飛咗落街，呢啲咪叫做樂極生悲囉！
撰文：娟娟