貪靚係女人嘅天性，為咗變靚啲，佢哋可以一擲千金，甚至不惜任何代價。不過，有啲問題係就算點樣打扮，都未必可以改善，講緊就係女性敏感部位嘅膚色問題。早排聽見一位女性朋友話，從大腿兩邊內側到小妹附近，膚色又黃又黑，而敏感部位更加瘀瘀紅紅咁，莫講話男友，佢自己睇見都唔開胃，並因此而感到非常煩惱。
膚色難看，其實完全係色素沉澱過甚所致，而部位呈瘀紅亦與做愛有若干關係，「撞擊」往往會增加色素沉澱。喺食療方面，中國民間向來有好多種食物，可以令皮膚稍為變得白滑，特別係薏米含薏仁素，能健脾去濕、補肺清熱，亦可以去除贅疣或皺紋且達到美化肌膚嘅功效。除咗薏米煲水，亦不妨以薏米及茯苓煲骨湯，最好係魚骨，其次係雞骨，或加入益母草，好處係魚骨雞骨都有一種特別嘅骨素，能使皮膚細胞轉白變滑，但必須有恒心食用。
娟娟