提起聖域，大家係咪第一時間諗起，人氣動漫《聖鬥士星矢》中嘅希臘聖域呢？查實今次所講嘅並非《星矢》嘅聖域，而係指日本影碟舖中，專門擺放AV專櫃嘅區域，而日本嘅AV迷就稱呼呢個位置做「聖域」。
對日本AV迷嚟講，呢啲擺放AV嘅地方，當中擺放咗各種古今各國、炙手可熱嘅火辣女優影片，讓呢班對AV女優情有獨鍾嘅男士，能夠每日到呢度朝聖。有位曾經到過日本嘅朋友，就曾經見識過呢種情境，佢表示：「事實上有不少AV迷，每日放工後都會到影碟舖逛番一個圈，並會喺AV專櫃前瀏覽一番，情況就好似啲人日日去拜神一樣。
其實，日本除咗部分AV專門店外，有好多正常嘅影碟舖同書店，喺店內劃出一個角落出嚟，專門擺放經典及最新嘅AV作品。為咗可以避免十八歲以下嘅人士誤闖呢啲專區，店主通常會利用書櫃將擺放AV嘅區域劃分出嚟，甚至會特別開放閣樓，讓AV迷能夠喺自由自在嘅情況下，輕鬆地選擇，儼如一個專屬嘅領域一樣。順帶一提嘅係，如果想到「聖域」朝拜嘅話，最好就係到秋葉原。事關嗰度嘅影碟舖最集中，作品亦係最新，一定可以滿足到AV迷嘅需要。
阿豪