每個女仔都希望能夠喺男朋友面前表現出最好嘅一面，尤其係第一次同對方過夜時，更唔希望有個尷尬嘅第一印象。好似今次介紹嘅奇趣短片女主角妍女咁，佢為咗呢一晚而細意打扮，結果竟然白費心機，陰功！
妍女同文仔拍拖一段日子，但規行矩步嘅佢哋，一直都未曾稍越雷池半步。及至一個月圓嘅晚上，兩人覺得係時候打破最後防線，於是文仔便相約妍女到佢屋企過夜，準備跨向人生另一步。
為咗呢個重要時刻，妍女招呼咗文仔入屋後，便到浴室細意打扮一番。妍女首先刷靚棚牙，剃埋腳毛，再換埋性感無比嘅內衣褲，喺離開浴室前更不忘喺身上噴上淡淡香水，一切準備就緒！
妍女諗住以性感誘人嘅造型出現喺文仔眼前，可以馬上燃起佢嘅戰意。點知出到去卻發現，文仔竟然全神貫注地睇緊波，冇發現妍女坐喺佢嘅身邊！如此春宵竟然輸咗畀場波，妍女唔嬲就奇！
阿豪