撰文：祖
睇小女人
一提起巨乳兩字，女人就會埋怨因為男人鍾意大波，至令女人有需要隆胸或絞盡腦汁去谷胸！咁講實在太唔公平，其實不少女人本身都鍾意自己大波，事關除咗係身份象徵外，着起性感衣着時自然會更靚，男人只不過係出於欣賞。
不過喺日本水着界，就有兩位女優自認微波，佢哋係安田美沙子及谷村奈南，阿妹雖然胸無「城府」，但就表示從來無妒忌大波嘅女人，亦沒有鄙視鍾情大波嘅男人，點解會咁豁達呢？安田美沙子就解釋：「大波定微波，好大機會係遺傳，好似不少人覺得日本女人通常都係巨乳一族，相反港女就平胸居多，不過我好清楚知道，一講到微波，自然會觸動到當事人嘅神經，跟住就產生保護意識，反去話大波女人無腦、樣衰、八字波、又矮又肥、大到駝背、生乳癌等，總之必定係最狠毒嘅詛咒。最奇怪係笑人者永遠係女人自己！不過我自己就從來無咁諗過，首先我都係微波一族，但我覺得微波一樣快樂，理由係我嘅優點並非集中喺一處，而係全身！」嘩！阿妹言下之意，換句講話全身都咁正？
「當然啦，你睇我全身都咁平均，身形修長、膚色健康、性格開朗，樣樣都咁完整，自問又有乜需要妒忌嘅大波妹呢？」講得啱，阿妹識得發掘同欣賞自己優點，好值得一眾小器妹學習喎！
身體力行
講就無敵，但安田妹身為水着妹一名，出場例必性感示眾，除咗要跟同行比較外，更要面對公眾嘅指指點點，難道真係忍得住？安田妹笑笑口話：「你估吓？得把口講就無意思，你睇我喺水着界多年，一直都咁開心，就證明我好吃得開啦！」
安田妹補充話：「其實入行初時，我都有埋怨過自己點解會零舍細，之不過我會發掘自己其他優點，好似我條眉毛夠濃，唔需要化太濃妝就好有精神、另外嘴唇又厚，影相特別性感，加上我只得23吋腰，擺起甫士上嚟身材呼之欲出啦！漸漸我就對自己有番信心，冇再妒忌其他人，但我最討厭一啲為巨而巨嘅隆胸女，因為佢哋對自己無信心，滿以為有雙『導彈』就係一切，實在太膚淺喇！」講到隆胸，另一位水着妹谷村奈南即刻有say，阿妹話：「係呀，假如真係生理上有需要，例如因為乳癌需切除乳房，事後去矯形隆胸無可厚非，但單單因為要大過人而去隆胸，我就睇唔起佢哋喇！」
微波快樂
兩位水着妹對自己定位都非常清晰，更表示要用自己身體去感染其他姊妹，谷村妹解釋：「我同安田妹都傾過，所以我哋唔介意對公眾認『細』，更絕對唔會考慮隆胸，大家今日睇我哋上圍係咁多，他日人老珠黃都係有細冇大，而為咗令大家學識欣賞自己優點，我不時都會同姊妹研究化妝技巧，透過話題去讚對方，例如對方對眼靚，就集中讚對方對眼，等當事人接收到你嘅訊息，自然就會多加留意，唔會諗啲旁門左道出口傷人，甚至對自己無信心等等！」
微波都快樂，正正喺兩位水着妹身上發生，假如每位女優都學似佢哋識得表現自己優點，唔係一味「愛鬥大」，男士就有福喇！而安田美沙子更補充：「作為男人，都應該學識欣賞身邊嘅女伴，唔好只顧𥄫其他女，多啲鼓勵身邊人，咁至會開心先會快樂㗎！」讚，當然冇問題，問題係優點喺邊至得㗎？