男人最痛，不僅指中年失業或者老婆走佬，仲包括小便不暢，搞到坐立不安，真係令男人相當痛苦。而導致小便不暢嘅原因，其中一種就係前列腺出現問題，例如前列腺增生之類。當然，若果有此問題，立即求醫方為上策。然而，要預防前列腺出現問題亦並非冇可能。
有醫學報告指出，南瓜子除咗含有豐富蛋白質、維他命A，B1、B2等嘅營養素之外，仲含有大量鋅，有助於預防前列腺增生以及前列腺癌。
中醫亦認為南瓜子味甘性平，有補腎嘅作用，亦有利尿功能，可以改善中老年人小便不暢嘅情況。南瓜子咁有益，又喺邊度可以食到呢？唔使煩，因為我地中國嘅傳統食品白瓜子，咪就係由南瓜子製成囉！不過，白瓜子經過烘製而成，多食容易熱氣、口舌生瘡，而且瓜子仁所含嘅熱量唔低，食用小量過吓口癮就好喇！
賢