好多女士都認為男人一有錢就身痕，有錢喺身就成日想去滾，不過事實上，好多女士就算有冇錢都好，亦都同樣想將性慾解決，所以就會同陌生男子玩起一夜情。至於一夜情發生喺你身上嘅機會有幾高呢？想知道嘅話就不妨回答以下問題，再睇吓分析啦！
問題：當你行街嘅時候，忽然覺得腹如雷鳴，你會搵邊一類嘅餐廳醫肚呢？
A.中式酒樓 B.日本料理 C.西餐扒房
A.機率偏低
你係一個對伴侶極之忠貞嘅人，畀你遇上條件更優秀嘅對象，你都只會覺得相逢恨晚，唔會有所行動。即使可以保證伴侶唔會知道嘅情況之下，你都一樣會自發性抵抗誘惑，所以一夜情絕對唔會喺你身上發生。
B.機率中等
你係一個堅持每件事都要按部就班嘅人，認為發生性關係，必須要經過好一段時間醞釀出真感情，先可以決定上床與否。不過，喺酒精影響之下，情慾往往不能自控，亦不排除喺酒精助燃之下，令你發生一夜情嘅機會。
C.機率高企
表面上你係一個有文化又有學識嘅學院派，不過斯文嘅外表之下，你極之希望可以得到放縱，例如同其他人搞吓男女關係之類。同一時間，由於你知道自己甚有質素，所以自信心十足，更加驅使你勇於尋求一夜情。
娟娟