宅女出擊
喺不少人嘅心目中，宅女予人嘅印象係不修邊幅，亦唔係好識得同人溝通，尤其係同異性相處嘅時候，更係被動非常。有見及此，美國洛杉磯便有的士高為呢班長期匿喺屋企嘅女生，舉辦一個交流派對，等佢哋有機會跟唔同地方嘅男士認識，從而提升佢哋嘅交際能力。派對負責人Smith表示：「其實我哋留意宅女呢個問題已有一段日子，見到部分長相標致，而身材更係玲瓏浮凸嘅女生，卻成日匿喺屋企度，真係覺得有啲暴殄天物。喺咁嘅情況下，便觸發到我哋舉辦呢個派對。」正如Smith話齋，宅女經常匿喺屋企，唔係咁擅於人際交流，佢哋有冇曾經擔心過宅女表現被動，會令派對氣氛大打折扣呢？Smith就話：「起初都有啲擔心，於是我哋設計咗好多環節，讓宅女們可以釋放自己，例如要求參加嘅宅女穿着低胸衫。事後發覺呢招果然奏效，宅女們不但玩得投入，更意外地吸引唔少型男參加呢個派對添！」
事實上，呢個每隔四個月舉辦一次嘅派對，已經係第四次舉辦。參加人數愈來愈多，男性玩家嘅數量更係直線上升。
胸湧澎湃
為咗能夠將現場氣氣變得熱烈，每次舉辦派對時，都有唔同嘅主題，最近一次嘅主題就係高踭鞋！有人會以為呢班平日唔多着高踭鞋嘅宅女，着住佢嚟大跳勁舞，好似有啲強人所難喎！不過事實並非如此，宅女們可能平時少有呢種打扮關係，故此覺得非常有新鮮感，不但樂於作呢種打扮，而當佢哋跳得攰嘅時候，便會除咗高踭鞋繼續喺舞池度狂扭。
覺得靚女拎住對鞋跳舞有失儀態？參加過呢個派對嘅玩家Stephen搖頭道：「梗係唔會啦！由於大會要求參加派對嘅靚女要低胸打扮關係，現場本身已經係非常波濤洶湧，加上靚女們着咗高踭鞋大跳勁舞時，雙峰搖晃得特別厲害，睇到我血脈沸騰。其次係當佢哋跳得興起時，更會猛咁請我哋食波餅，試問咁又點算冇儀態呢？真係估唔到宅女都可以玩得咁癲！」
出盡法寶
在場不少玩家，都意想不到平日深閨嘅宅女，出到嚟竟然可以玩得如此激。大會亦設計咗唔同嘅遊戲環節，辣㷫玩家嘅情緒，除咗差唔多每個派對都必備嘅熱舞表演外，大會更誠邀現場靚女，齊齊上台同艷舞女郎們「拍跳」。呢班平時最多打吓字嘅宅女，雖然舞姿比唔上舞蹈員，但激情度卻一啲唔比佢哋遜色。見到如此激情洋溢嘅場面，一班為溝女而嚟嘅型男，梗係唔會錯過呢個機會，希望能夠奪得美人歸啦！
不過想溝到佢哋卻一啲都唔易，大會喺派對當晚特設一個專讓型男們表現嘅環節，就係才藝表演環節，等佢哋可以趁機Show下Quali。雖然係叫做才藝表演，但唔好以為只不過係喺台上唱首歌，或喺台上跳吓舞就得，想得到宅女們嘅掌聲，就要諗一啲別出心裁嘅演出。好似Stephen當晚就嚟咗個雜技表演，喺眾玩家面前表演噴火。Stephen笑道：「靚女們睇到我嘅表演，不但興奮得大叫起嚟，而表演完後，更有宅女主動埋身，跟住仲同我嚟個親密對話，諗番都覺得回味！」
撰文：阿豪