本文重點
經濟不景氣令好多人身家縮水，就算冇都要面對裁員或減薪嘅痛苦，不過對於好多蒲友嚟講，身痕始終唔會因此而消失，最多只會減少消費金額，而唔會減少次數。最近，朋友霖哥就表示畀一個孤寒到極嘅友人激到火都嚟，發誓以後唔會再同佢一齊去滾。
霖哥話：「我一向都鍾意單嫖獨賭，因為咁樣自由度高，想玩乜就玩乜，真真正正風流快活。不過，早幾日一班朋友約我一齊北上，我見朋友們盛意拳拳都唔好意思推，於是就答應跟埋一齊去玩！起初我哋諗住去東莞嘅卡拉OK夜總會玩樂，不過其中一位朋友A就話唱K消費太貴，所以提議去羅湖附近嘅一條出租屋屋村，幫襯當地髮廊嘅囡囡，佢話百幾蚊一次夠晒經濟實惠喎！一聽到呢個提議，我同其他朋友都你眼望我眼，事關我哋本來諗住盡興一晚先回程，而幫襯髮廊妹只可以享受短短半個鐘風流！」
完事走先
霖哥續話道：「不過，我哋見佢興致勃勃，於是就同佢去幫襯髮廊啦！由於我本身對髮廊妹唔多感興趣，於是留守喺一間茶餐廳等佢哋完事！冇幾耐，朋友A完事之後，我哋再次集合，朋友A突然表示一身鬆晒可以歸家，如果我哋有下場嘅就唔使預佢，因為佢身上嘅錢已經用晒咁話！呢一刻我真係畀佢激死！遇到呢種人真係掃晒興！下次唔好旨意我再同佢一齊去玩喇！」
賢