都市人經常由朝做到晚，恨不得返屋企食完飯立即倒頭大睡。不過，正因為大家都只係休息工作再工作，缺乏運動，久而久之令身體狀態每況愈下，好多男士更加出現精力不足、疲勞睏倦、心悸氣短，甚至係性慾減退嘅徵狀。
一位男性朋友早前就因為有上述徵狀而煩惱，幸好最近佢得到一條食療方，以黃耆5克配合牛肉250克、6粒桂圓肉煮湯食用，情況有所改善。黃耆味甘，性微溫，有補氣、固表、利尿、脫毒、增精強身嘅功效，而牛肉同桂圓則可以補益氣血，三者配合，就對氣血不足、形體瘦弱、疲勞易倦、氣短乏力有食療作用，對於中年男士相信有相當補益作用。不過，黃耆同牛肉較易令人燥熱，一般都係四日飲一次較為合適，若然諮詢過中醫師意見就更好喇！
賢