識講笑易動情
笑聲代表歡欣，不過家陣咁嘅時勢，打工仔需要面對沉重工作壓力、老闆又要面對生意壓力，都係苦笑居多。喺澳門至×桑拿工作嘅艷艷就話，有得苦笑總好過喊住口面做人，佢話：「我都知道各行各業都面對緊逆境，但係大家唔好氣餒，一定要咬緊牙關渡過難關呀！但點樣先可以順利度過我就唔知，不過我提議大家可以多啲與同事講吓笑話，令氣氛更加融洽，提升效率同工作情緒，做起事上嚟都精神爽利啲啦！其實，大家溝女時都一樣，女仔最鍾意有幽默感嘅男仔，若果遇到一個識講笑話、氹得我哋鬼咁開心嘅男仔，好容易就會對佢動情㗎！」
笑容融化高傲
艷艷呢點小弟絕對認同，不過小弟見過唔少女仔冷艷過人，終日扮高傲，好似同全世界人都過唔去一樣，令人不敢靠近，面對呢種女仔真係唔知點算好！呢個時候，艷艷嘅好姊妹婷婷就話：「見到呢類冷艷女仔，解決方法其實都好簡單！就係用大家嘅笑面喇！」婷婷繼續道：「女仔之所以扮到咁高傲，我覺得只不過係佢哋唔識得同人溝通，同時又怕醜所致，咁男仔不妨主動少少啦！而大前提係，面上要展露笑容！覺得奇怪？就係要個女仔覺得奇怪，然後主動行到你身前問你點解對住佢笑！咁咪可以將隔膜打破，製造話題囉！當然，隔膜打破咗，大家都要好好把握機會，至於點答先啱，就要靠大家用更多溝女技巧去完成任務啦！」
笑聲迷魂老公
講到呢度，我就覺得有多少問題喇！點解成日都要男士去氹班女仔呢？我哋面對工作問題已經好辛苦㗎喇！麻煩女士們唔好再要我哋勞心勞力啦！艷艷又話：「唔好意思囉！我都知道你哋班男人好辛苦，至多我哋多啲慰勞你哋囉！」呢句就似人話喇！艷艷繼續話：「既然係咁，我就喺度教各位姊妹點樣氹吓自己嘅老公仔啦！方法又係用笑，無論係約會定係老公收工返屋企，一定要笑面迎老公，見到你咁燦爛嘅笑容，一定會將整日嘅煩躁鬱結統統忘記晒！不過，最重要都係你要笑到有聲，例如係嘻嘻笑或者係哈哈笑咁，聽到你無端白事咁笑法，老公一定會問你遇到甚麼開心事。當然，係咪真有其事唔需要考究，因為大可以答：『諗起今晚可以同你曳曳咪開心到笑囉！』呢一刻你老公唔暈得一陣陣都幾難啦！」
微笑檢討床技
咁都畀你諗到，真係好嘢！此際，婷婷又話：「我都有方法氹你哋班男人㗎！要令男人開心又覺得冧，我覺得要從更深入嘅層面着手，例如係讚佢哋床上功夫醒！不過，讚嘅方法唔一定要用口直接講，用笑容一樣可以達到理想嘅效果！各位姊妹，記住同老公仔享受床上歡愉嘅時候，要一邊面露享受，一邊面帶微笑喎！因為咁樣可以令老公知道你呢一刻幾咁開心，幾咁Enjoy！老公一定會更加覺得滿足。完事之後，大家同樣要笑住口，順便同老公檢討一下交歡過程可以如何改進，以增加大家嘅快感。你嘅笑面可以令老公覺得自己功夫夠醒夠勁，先可以令老婆仔露出咁自然嘅笑容，話唔定老公仔會再下一城添！」
婷婷
年齡：23
三圍：34、23、34
興趣：睇笑片
艷艷
年齡：22
三圍：33、23、34
興趣：講笑話