自 由 黨 主 席 田 北 俊 同 太 太 黃 玉 華 （ Mary ） 政 商 界 出 名 係 恩 愛 夫 婦 ， 結 婚 三 十 幾 年 一 直 相 敬 如 賓 ， 兩 公 婆 除 每 年 最 少 有 一 至 兩 次 去 外 地 旅 行 外 ， 每 逢 自 由 黨 有 喜 慶 ， 田 少 例 必 帶 埋 太 太 出 席 跳 番 Part 舞 ， 而 平 時 行 街 同 食 飯 撐 腳 就 更 加 唔 使 講 ！ 田 少 最 近 更 將 自 己 同 太 太 個 英 文 名 ， 加 埋 自 己 姓 氏 作 為 自 訂 車 牌 ， 掛 埋 架 新 跑 車 度 ， 名 副 其 實 變 做 「 愛 妻 號 」 。

卓 妮 早 八 月 暑 假 期 間 介 紹 過 田 少 部 黑 色 法 拉 利 （ Ferrari ） F430 新 車 落 地 ， 泊 立 法 會 大 樓 門 外 吸 引 唔 少 市 民 同 遊 客 駐 足 欣 賞 。 事 隔 三 個 幾 月 ， 再 見 番 田 少 部 新 跑 車 ， 發 現 個 車 牌 由 原 本 爸 爸 留 低 「 XX58 」 改 為 自 訂 車 牌 「 JMT 」 ， 車 牌 意 思 係 「 J （ James ） M （ Mary ） T （ Tien ） 」 ， James 與 Mary 分 別 係 田 少 同 田 太 英 文 名 ， Tien 大 家 都 知 道 係 田 少 姓 氏 ， 係 咪 恩 愛 到 出 晒 面 呢 ？ 睇 怕 其 他 女 仔 都 唔 好 意 思 坐 上 架 車 呀 ！

田 少 自 爆 話 ， 當 初 競 投 自 訂 車 牌 ， 除 支 持 前 黨 友 兼 老 友 前 財 爺 唐 英 年 外 ， 亦 希 望 太 太 坐 住 掛 有 自 己 個 名 跑 車 會 開 心 ， 因 為 太 太 唔 係 咁 鍾 意 部 新 車 ， 嫌 道 車 門 太 厚 ， 令 座 位 窄 ， 有 時 上 落 車 仲 到 條 裙 添 ！ 咪 以 為 「 JMT 」 呢 個 自 訂 車 牌 好 貴 ， 卓 妮 上 運 輸 署 網 頁 一 睇 ， 只 需 要 九 千 蚊 ， 但 田 少 就 話 好 抵 ， 只 係 用 三 萬 蚊 ， 唔 知 係 佢 記 錯 ， 抑 或 畀 人 賺 佢 二 萬 一 千 蚊 ！

莎 姐 呻 窮 唔 投 新 牌
不 過 田 少 黨 友 「 莎 姐 」 周 梁 淑 怡 就 話 ， 唔 會 考 慮 競 投 呢 類 恩 愛 車 牌 ， 佢 仲 話 ： 「 無 錢 ， 邊 有 咁 多 錢 呀 ！ 舊 個 車 牌 唔 通 唔 要 咩 ！ 」 卓 妮 就 建 議 莎 姐 投 到 新 牌 之 後 ， 將 舊 牌 掛 去 第 二 架 車 度 ， 點 知 莎 姐 話 ： 「 你 估 我 好 似 田 少 咁 多 車 咩 ！ 」

卓 妮