班 立 法 會 議 員 成 日 呻 人 工 低 福 利 差 ， 不 過 每 次 改 選 ， 都 會 有 唔 少 人 自 願 放 棄 高 薪 厚 祿 報 名 參 選 。 當 中 當 然 有 係 真 心 為 市 民 謀 福 祉 ， 但 亦 有 唔 少 係 想 番 個 尊 貴 議 員 名 銜 威 。 例 如 自 己 架 車 度 掛 番 個 「 立 」 字 議 員 車 徽 ， 就 威 水 過 用 錢 投 番 自 訂 車 牌 多 多 聲 。

尋 日 本 報 有 一 則 報 道 ， 話 一 名 劉 姓 男 子 前 晚 駕 駛 一 架 銀 灰 色 Mini Cooper ， 同 一 架 綿 羊 仔 司 機 因 切 線 問 題 ， 初 則 口 角 繼 而 動 武 。 本 來 呢 類 駕 車 人 士 之 間 爭 執 ， 一 晚 閒 閒 有 幾 十 宗 ， 但 今 次 特 別 係 架 Mini Cooper 車 頭 ， 居 然 掛 一 個 立 法 會 車 徽 。

根 據 運 輸 署 紀 錄 ， 架 Mini Cooper 車 主 叫 做 劉 建 勤 ， 但 係 立 法 會 內 多 名 姓 劉 議 員 ， 都 冇 人 認 識 呢 位 劉 先 生 ， 立 法 會 秘 書 處 亦 冇 劉 先 生 同 佢 架 車 紀 錄 。

二 百 五 十 蚊 一 個
其 實 立 法 會 車 徽 本 身 唔 係 好 貴 ， 二 百 五 十 蚊 就 有 一 個 ， 但 係 就 只 有 議 員 先 至 買 到 ， 仲 規 定 只 能 用 現 任 議 員 經 登 記 座 駕 身 上 。 不 過 唔 少 議 員 都 有 意 無 意 違 規 使 用 車 徽 ， 例 如 換 車 同 車 牌 冇 同 秘 書 處 登 記 番 ， 離 任 後 又 冇 交 番 個 車 徽 出 ， 甚 至 將 車 徽 轉 畀 仔 女 使 用 等 。 秘 書 處 至 今 發 出 過 一 百 四 十 七 個 車 徽 ， 當 中 有 一 個 半 個 流 落 外 人 手 上 ， 都 絕 對 唔 出 奇 。

據 聞 前 晚 出 事 位 劉 先 生 ， 佢 Mini Cooper 都 曾 經 駛 過 入 立 法 會 停 車 場 。 雖 然 佢 架 車 同 車 牌 都 冇 事 先 登 記 ， 亦 冇 立 法 會 專 用 泊 車 證 ， 但 係 停 車 場 職 員 為 免 得 失 議 員 （ 或 者 議 員 家 屬 ） ， 見 到 有 個 立 法 會 車 徽 就 放 佢 入 。 部 車 掛 住 個 有 立 字 車 徽 ， 就 可 以 招 搖 過 市 由 德 輔 道 中 經 過 立 法 會 停 車 場 兜 去 遮 打 道 ， 慳 番 入 中 環 塞 車 一 段 路 ， 都 不 知 幾 方 便 。

今 次 爆 出 有 人 涉 嫌 冒 認 議 員 使 用 車 徽 事 件 ， 立 法 會 秘 書 長 馮 載 祥 都 深 表 關 注 ， 話 會 考 慮 發 信 警 告 有 關 人 士 ， 並 向 全 體 議 員 重 發 使 用 車 徽 指 引 ， 希 望 佢 會 自 律 。 不 過 由 於 非 議 員 使 用 立 法 會 車 徽 並 冇 違 反 法 例 ， 最 多 只 能 告 佢 侵 權 ， 立 法 會 想 嚴 打 Ａ 貨 議 員 車 徽 ， 都 唔 係 咁 容 易 。