唔 經 唔 覺 仲 有 一 年 就 係 立 法 會 改 選 ， 匯 賢 智 庫 理 事 長 葉 劉 淑 儀 同 自 由 黨 副 主 席 劉 健 儀 「 雙 劉 」 港 島 直 選 爭 奪 戰 ， 亦 都 進 入 白 熱 化 階 段 ， 分 分 鐘 仲 好 睇 過 早 排 熱 爆 全 城 《 溏 心 風 暴 》 ， 直 頭 好 似 大 細 契 咁 ， 爭 個 你 死 我 活 。

眾 所 周 知 ， 上 屆 選 舉 全 靠 泛 民 主 派 配 票 失 敗 ， 親 中 陣 營 先 至 港 島 區 到 三 個 議 席 。 今 屆 即 使 范 太 同 民 建 聯 馬 力 唔 選 ， 葉 太 同 劉 健 儀 同 時 港 島 勝 出 機 會 仍 然 好 微 ， 所 以 自 由 黨 就 一 直 密 謀 踢 走 葉 太 。 最 初 構 思 係 將 佢 踢 去 九 龍 東 ， 但 係 扎 根 九 東 多 年 民 建 聯 陳 鑑 林 同 工 聯 會 陳 婉 嫻 ， 當 然 唔 肯 過 佢 。 其 後 又 傳 出 選 管 會 欲 將 九 東 其 中 一 個 議 席 撥 去 九 龍 西 ， 自 由 黨 同 民 建 聯 就 雙 雙 放 風 話 ， 為 免 累 及 自 己 人 ， 葉 太 應 該 自 我 犧 牲 空 降 九 西 喎 。

不 過 最 近 多 方 面 消 息 都 顯 示 ， 葉 太 已 經 決 意 出 戰 港 島 ， 點 踢 都 唔 會 走 ， 加 上 民 調 顯 示 劉 健 儀 支 持 度 一 直 唔 太 理 想 ， 所 以 佢 好 大 機 會 留 番 航 運 界 ， 即 係 唔 敢 轉 戰 直 選 博 一 鋪 。 雖 然 以 功 能 組 別 代 表 身 份 角 逐 立 法 會 主 席 ， 一 定 會 畀 班 泛 民 玩 謝 ， 但 係 點 都 好 過 連 個 議 席 都 冇 埋 、 選 都 冇 機 會 選 。

林 健 鋒 冇 位 落 腳

可 能 因 為 形 勢 已 經 明 朗 化 ， 自 由 黨 主 席 田 北 俊 早 兩 個 星 期 就 佢 間 白 加 道 超 級 豪 宅 「 官 邸 」 ， 設 宴 款 待 白 鴿 黨 各 位 大 佬 ， 當 然 仲 帶 埋 劉 健 儀 一 齊 去 。 聞 說 席 間 田 少 落 足 嘴 頭 ， 游 說 佢 唔 好 因 為 劉 健 儀 出 身 功 能 組 別 ， 就 對 佢 有 偏 見 ； 就 算 係 基 於 政 治 立 場 唔 反 對 唔 得 ， 都 唔 好 成 日 「 小 圈 子 」 前 、 「 小 圈 子 」 後 咁 惡 言 相 向 。 總 之 就 係 打 定 底 ， 希 望 佢 將 來 手 下 留 情 之 餘 ， 都 多 多 支 持 喇 。

其 實 葉 太 出 選 港 島 最 大 受 害 者 ， 並 唔 係 劉 健 儀 本 人 ， 而 係 佢 黨 友 林 健 鋒 ， 皆 因 自 由 黨 一 早 已 經 度 定 條 數 ， 如 果 劉 健 儀 落 港 島 直 選 ， 就 由 做 過 交 諮 會 主 席 林 健 鋒 轉 戰 航 運 界 ， 騰 出 總 商 會 個 位 畀 蔣 麗 莉 接 棒 。 依 家 劉 健 儀 留 守 航 運 界 ， Lily 蔣 又 唔 輕 易 放 手 ； 林 健 鋒 最 後 邊 度 落 腳 ， 真 係 諗 爆 田 少 個 頭 。