爭 拗 多 時 尖 沙 咀 天 星 碼 頭 巴 士 站 發 展 計 畫 ， 終 於 擒 日 立 法 會 拍 板 ， 通 過 撥 款 二 億 七 千 五 百 七 十 萬 元 建 議 ， 尖 東 興 建 新 公 共 運 輸 交 匯 處 ， 新 交 匯 處 預 計 今 年 九 月 動 工 ， ○ 七 年 完 成 。 至 於 現 有 天 星 碼 頭 對 面 巴 士 站 ， 將 改 建 成 露 天 廣 場 ， 成 為 尖 沙 咀 新 地 標 。

可 以 想 像 ， 到 時 整 個 尖 沙 咀 交 通 就 會 亂 過 亂 世 佳 人 。 以 環 境 運 輸 及 工 務 局 局 長 廖 秀 冬 管 治 交 通 能 力 ， 有 冇 本 事 破 解 呢 個 亂 局 ， 已 經 成 疑 。 再 加 上 五 月 初 太 子 道 一 個 棚 架 導 致 交 通 大 混 亂 ， 大 家 更 加 見 過 鬼 怕 黑 ， 擔 心 到 時 政 府 無 法 疏 導 尖 沙 咀 一 帶 交 通 ， 市 民 、 遊 客 、 旅 遊 業 、 運 輸 業 、 附 近 商 舖 、 酒 店 ， 都 畀 佢 一 鑊 蹺 起 ！

運 輸 署 就 強 調 ， 無 象 顯 示 ， 搬 巴 士 站 之 後 ， 會 令 附 近 交 通 擠 塞 。

唔 知 運 輸 署 老 爺 ， 憑 乜 象 證 明 到 時 唔 會 大 塞 車 呢 ？

官 與 民 睇 法 ， 相 差 非 常 之 大 。 商 戶 認 為 ， 廣 東 道 現 時 交 通 已 經 飽 和 ， 若 果 將 來 改 道 ， 巴 士 唔 可 以 駛 入 天 星 碼 頭 ， 只 能 梳 士 巴 利 道 進 出 ， 而 旅 遊 巴 士 唔 知 邊 度 停 泊 ？ 泊 梳 士 巴 利 道 ， 呢 條 重 要 動 脈 即 刻 癱 瘓 ； 泊 太 空 館 外 ， 度 又 只 能 容 納 四 部 巴 士 。 到 時 梳 士 巴 利 道 介 乎 九 龍 公 園 徑 及 彌 敦 道 路 口 ， 繁 忙 時 間 ， 巴 士 流 量 將 增 加 百 分 之 二 十 三 。 再 加 上 旅 遊 巴 及 的 士 ， 交 通 就 一 定 不 勝 負 荷 。 而 中 間 道 、 彌 敦 道 、 北 京 道 、 海 防 道 ， 平 日 都 已 經 車 水 馬 龍 ， 落 雨 或 者 有 隻 死 狗 馬 路 ， 都 隨 時 引 起 塞 車 ， 到 時 將 原 有 天 星 碼 頭 巴 士 站 化 整 為 零 ， 即 係 要 將 整 個 尖 沙 咀 塞 死 為 止 ！

不 過 ， 運 輸 署 官 又 唔 係 咁 睇 ， 佢 認 為 ， 尖 沙 咀 路 口 交 通 容 量 仲 未 飽 和 ， 而 新 交 通 改 動 措 施 ， 只 會 令 文 化 中 心 一 帶 路 口 每 小 時 增 加 幾 十 架 巴 士 。

天 星 小 輪 公 司 就 擔 心 ， 巴 士 搬 站 ， 交 通 癱 瘓 ， 塞 車 時 間 無 法 估 計 ， 客 會 改 搭 其 他 交 通 工 具 ， 等 於 叫 佢 關 門 ！

不 過 ， 運 輸 署 官 則 有 唔 同 睇 法 ， 認 為 新 地 標 會 吸 引 遊 客 ， 小 輪 反 而 可 以 做 多 生 意 。

官 民 爭 拗 點 就 呢 度 ， 既 然 預 料 遊 客 會 增 加 ， 旅 遊 巴 、 的 士 流 量 就 一 定 增 加 ， 到 時 天 星 碼 頭 唔 畀 泊 車 ， 按 照 運 輸 署 昨 日 提 供 藍 圖 ， 所 有 車 輛 都 要 兜 兜 轉 轉 ， 好 似 碟 意 大 利 粉 ， 打 晒 圈 ， 都 唔 知 乜 頭 乜 路 ！ 連 對 於 運 輸 、 旅 遊 好 有 經 驗 一 些 立 法 會 議 員 都 搞 到 一 頭 、 把 幾 火 ！

旅 遊 事 務 專 員 鄭 汝 樺 就 話 ， 構 思 中 天 星 碼 頭 廣 場 係 新 地 標 ， 而 唔 係 新 交 通 問 題 。 呢 種 講 法 ， 未 免 太 天 真 ， 特 區 政 府 好 心 做 壞 事 例 子 ， 市 民 以 前 仲 見 得 少 咩 ？ 構 思 新 地 標 ， 好 似 空 中 樓 閣 ， 邊 個 唔 識 ？ 但 係 ， 交 通 問 題 唔 解 決 ， 市 民 、 遊 客 坐 乜 交 通 工 具 去 空 中 樓 閣 呢 ？

政 府 唔 真 正 諮 詢 民 意 ， 唔 正 視 可 能 會 出 現 交 通 問 題 ， 未 有 實 際 解 決 辦 法 之 前 將 交 通 交 匯 處 搬 去 尖 東 ， 日 後 ， 若 有 交 通 癱 瘓 ， 出 現 大 混 亂 情 況 ， 批 出 計 畫 官 員 與 議 員 都 要 下 台 謝 罪 ！