問 ： 我 鍾 意 一 個 女 仔 ， 可 惜 與 她 互 不 相 識 ， 有 一 次 ， 我 鼓 起 勇 氣 想 向 她 表 白 ， 但 只 是 打 了 一 個 招 呼 ， 她 就 愕 然 地 急 急 腳 走 開 了 ， 之 後 她 還 回 望 我 。 同 事 們 說 ： 「 如 果 她 有 意 就 會 給 你 機 會 ， 沒 有 意 思 就 會 避 開 你 ！ 」 但 她 兩 樣 也 沒 有 ， 這 樣 是 甚 麼 意 思 ？

有 一 日 ， 我 收 工 跟 她 搭 同 一 班 地 鐵 ， 她 全 程 在 講 電 話 ， 但 卻 不 時 偷 望 我 ！ 請 問 我 應 不 應 該 再 向 她 表 白 ？ 還 是 應 該 死 心 ？

明 順 上

答 ： 答 案 係 兩 樣 都 唔 應 該 ！ 你 唔 應 該 再 向 佢 表 白 ， 費 事 嚇 親 佢 ； 亦 毋 須 死 條 心 ， 因 為 你 未 必 冇 機 會 。

追 女 仔 三 大 要 訣 ， 係 膽 大 、 心 細 、 面 皮 厚 ， 你 其 實 已 經 有 兩 樣 ， 膽 你 就 有 ， 面 皮 亦 都 夠 厚 ， 但 個 心 就 唔 夠 細 ， 根 本 唔 知 用 乜 方 法 去 追 人 ， 貿 貿 然 走 去 同 人 表 白 ， 唔 食 檸 檬 你 就 問 我 啦 ！ 試 想 ， 如 果 你 係 個 女 仔 ， 無 厘 頭 有 個 三 九 唔 識 七 男 仔 ， 走 來 話 鍾 意 你 ， 你 又 唔 知 佢 係 乜 水 ， 又 唔 知 佢 係 好 人 、 壞 人 定 係 乜 人 ， 你 會 點 反 應 呢 ？ 佢 無 畀 機 會 你 ， 亦 無 避 開 你 ， 因 為 你 第 一 次 表 白 ， 根 本 就 失 敗 ！ 既 然 你 對 佢 仍 然 抱 有 希 望 ， 唔 怕 瘀 ， 你 呢 種 大 無 畏 精 神 ， 亦 有 值 得 欣 賞 之 處 ， 咁 我 就 醒 你 幾 招 啦 ！

首 先 ， 你 要 認 識 佢 ！ 既 然 你 工 作 地 點 同 佢 好 近 ， 時 不 時 會 遇 到 佢 ， 下 次 可 以 搵 個 藉 口 上 前 搭 訕 ， 話 覺 得 佢 好 面 熟 ， 乘 機 同 佢 傾 偈 兼 自 我 介 紹 ， 如 果 佢 肯 話 ， 問 佢 個 電 話 或 者 電 郵 ， 務 求 同 佢 保 持 聯 絡 ， 但 唔 好 表 白 住 ！

識 佢 之 後 ， 就 好 辦 事 得 多 ， 佢 出 現 地 方 ， 你 都 可 以 出 現 ， 唔 放 過 任 何 可 以 碰 到 佢 機 會 ； 有 電 郵 就 先 Send 電 郵 ， 如 果 佢 唔 抗 拒 ， 可 以 進 一 步 打 電 話 畀 佢 ， 之 後 再 約 佢 食 午 飯 … … 你 動 機 表 現 得 咁 明 顯 ， 如 果 佢 有 意 ， 自 然 會 畀 機 會 你 啦 ！

本 欄 歡 迎 各 位 讀 者 來 信 提 出 各 種 情 性 疑 難 。

地 址 ： 九 龍 灣 宏 泰 道 東 方 報 業 中 心 《 東 方 日 報 》 副 刊 〈 女 豪 情 〉 版 「 Ming 姐 」 收 。

傳 真 ： 2707 1122 　

電 郵 ： girlf4@sinaman.com

Ming 姐