體育

重陽節旺角場午戰冠忠南區撲擊香港U23

陳嘉宝 冠忠南區U22 陳嘉宝 冠忠南區U22
陳嘉宝 冠忠南區U22
「菁英盃」今日重陽節繼續開快車,冠忠南區於旺角大球場遇上香港U23。南區經歷賽季首敗後,今場極之希望重返勝軌,力求全取3分;新軍香港U23經歷連場硬仗後再遇強敵,一班球員勢必全力證明實力,激戰值得期待。(周四下午3時30分開賽)
南區上仗不敵傑志,吞下今季首場敗仗,賽後球隊有超過一周時間重整旗鼓,備戰今場與香港U23的對碰,主教練列文坦言會全力帶領球隊再嘗贏波滋味:「呢場波係我哋反彈嘅好機會,球隊開季表現唔錯,但仍然有進步空間。」今場對手成軍時間不長,陣中以年輕球員為主,列文亦分享對這支港超新軍的看法:「香港U23嘅球員需要時間磨合同適應呢個聯賽,對一班年輕球員同教練張健峰,都係一個學習階段,長遠嚟講佢哋一定會獲得寶貴經驗。」
南區今場過後,將於周日面對強敵東方龍獅,列文亦提到陣容輪換的重要性:「要諗辦法畀球員喺連場比賽中間,有時間抖足精神;我對陣中所有球員都充滿信心,遲啲對東方龍獅會好難打,但我哋現時首要目標,係應付香港U23呢場波。」
做好防守頑抗勁敵
香港U23正經歷10日內的第3戰,主教練張健峰認為球員相對年輕,體能恢復無太大問題。上仗剛以7球大敗予東方龍獅,接下來面對另一支強隊冠忠南區,「張峰」強調目標先做好防守:「上場個比數真係大,就算實力有距離,但我哋都要知道點樣應對,唔可以話每場都輸咁多球,呢個情況係唔容許。」黃威及羅曉聰目前仍未完全康復,「張峰」指球隊會小心運用這兩名超齡球員,希望他們不會一傷再傷,上陣時間料會受到限制。
首征港超聯的年僅18歲中場鄧筵霑(James)連績兩仗擔正,表現令人驚喜,他指經過首戰後更加放膽,與隊友默契亦不斷提升,期望之後能擦出更多火花。James提醒自己若要維持穩定發揮,必須克服心理壓力:「成隊波啲球員都好年輕,經驗球員好少,所以自己落到場就唔可以怯。」
鞠盈智 冠忠南區大腦鞠盈智 冠忠南區大腦
鞠盈智 冠忠南區大腦
周家樂 香港U23中場周家樂 香港U23中場
周家樂 香港U23中場
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500