要聞港聞

人口老化生育低 政府無能等絕種

「人生要美好,養兒育女不可少。」各位,鼓勵生育嘅標語真係用心良苦。內地執行數十年一孩政策,依家發現人口急劇下降,各省市村無不鼓勵民眾生育,不久前網絡熱傳內地某村莊驚人標語:「一人拒絕多生,全村人工授精」,誇張到令人失笑,這與多年前計劃生育期間嘅「一人超生,全村結紮」,對比何其強烈!
話說回來,2021年中國人大通過關於修改人口與計劃生育嘅決定,經習近平簽署主席令,三孩生育政策立即開始正式執行。修改後嘅人口與計劃生育法,一對夫妻可以生育三個子女,國家將喺財政、稅收、保險、教育、住房、就業等方面給予支持,減輕家庭生育、養育、教育負擔。功夫茶不厭其煩指出,內地為鼓勵生育,都真係做咗好多務實措施,希望多生育提升人口勞動力,追番人口紅利。
好嘞!講番香港。生育率下降,老齡化問題加劇,少子化係全球大部分國家面對嘅共同現象,亞洲地區尤為嚴峻。日本曾經發出警告:如果日本出生率急跌情況未能扭轉,日本將會「滅國」!根據統計,喺227個地區或國家中,過半數地區生育率低於2.1,即未能達致正常更替水平。生育率排名倒數前5位全部位於亞洲,分別為台灣、南韓、新加坡、香港及澳門;中國則位居第211位。呢嗱!本港生育率低,加上人口老化問題日趨嚴峻,有政黨尋日公布香港女性生育意願調查結果,發現有約兩成半受訪者表示未考慮生育,原因包括經濟及教育壓力、想享受自由生活等;另有逾八成受訪者認為,政府鼓勵生育嘅措施不足。有議員建議港府設立新生嬰兒津貼、增設兒童醫療券等,提高出生率。喂!呢啲都係基本嘢,仲要人提?
有政黨喺今年4月至5月期間,以網上問卷形式訪問471名18歲以上女性,了解佢哋嘅生育意願及唔想生育原因,結果顯示,有近25%受訪者不考慮或未知會否生育,當中逾三成嘅教育程度為大專或大學以上,有近兩成半嘅家庭總收入達40,000元或以上,反映高學歷及高收入人士不考慮生育嘅現象愈趨普遍。該政黨發言人表示,有超過八成受訪者認為港府嘅鼓勵生育措施不足,期望增加託兒及幼兒照顧服務,以及鼓勵公司推行家庭友善政策等。講真,呢啲都係好基本嘅要求,可惜政府對於鼓勵生育,幾乎冇乜政策!你睇日本政府,有所謂「3支柱挽救生育率」,講到尾,又係大灑銀彈政策,目前政府為每一個孩子每月提供一萬至1.5萬日圓不等嘅補貼,直至15歲為止。新加坡鼓勵生育,從第3胎開始,現金獎由目前一萬坡元升至1.3萬坡元。要言之,各國都出盡法寶期望提升出生率,反觀港府則翹埋雙手等天降寶寶,政府無能唔通香港真係等絕種!
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500