要聞港聞

政情:人才唔留低 議員斥教育資源未到位

林琳(左)與黃俊碩(右)討論香港人才問題。 林琳(左)與黃俊碩(右)討論香港人才問題。
林琳(左)與黃俊碩(右)討論香港人才問題。
世界潮流邁向知識型經濟,對人才嘅需求特別殷切。選委界議員林琳,日前邀請會計界議員黃俊碩到網上平台發表意見,討論香港人才流失嘅當下,有必要透過培訓以充實本地嘅人才庫,以鞏固香港金融中心同航運中心嘅地位,然而資源未能花在刀口上,難免事倍功半。
鄰城大改革 港一味齋諗
黃俊碩話香港目前嘅人才不足,已經不限某啲專業,而係擴散到企業嘅中、高層,甚至係不同工種嘅技術人員。黃以自己嘅老本行為例,指本地嘅高等院校雖有開設會計系,培訓業界人才,又有相關嘅專業試同晉升階梯。然而就業愈趨多元,學生嘅出路選擇多咗,投身會計嘅人難免少咗。黃話自己就任議員不久,就同教育局反映業界面對嘅人才問題,認為香港嘅教育政策應配合香港嘅發展同定位,比較次要嘅行業就毋須培訓太多人手。黃話喺創科方面,唔好以為政府投入咗好多教育資源,就可以請到人。其實月薪兩萬嘅技術員依家喺職場上唔係咁易聘請到呀。
林琳指香港嘅人才政策好依靠銀彈,一方面以高薪吸外地人才來港,但同時間又重本投資喺本地教育,然而教育出來嘅唔一定係本地所需要嘅人才。佢認為人才政策,十分在乎教育方面係點樣培訓,需因應香港未來嘅市場,評估未來3、5、10年後邊啲行業所需要嘅人才缺口到底會有幾多。佢話鄰近城市已經變化好大,改革好似「百米式短跑咁爆發」,相反香港仲係度諗吓點搞,實在有待改善。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500