要聞港聞

政情:工作至上 容海恩嘆錯過囡囡成長

容海恩有感錯過兩個囡囡成長。 容海恩有感錯過兩個囡囡成長。
容海恩有感錯過兩個囡囡成長。
議員容海恩早前登報,同涉嫌觸犯《港區國安法》嘅家翁袁弓夷脫離關係,外界難免會對佢同家人嘅關係有所揣測。容喺電台節目時承認工作繁忙,同丈夫袁彌昌、兩個小朋友相處嘅時間較少,一日可能少過半個鐘見到佢哋,都有啲過意唔去咁話。
趁食晏衝返屋企陪伴
容喺節目中,指自己雖高舉家人第一,但實際上並唔容易,因為公務上好難調整到,例如要與唔同嘅地區組織開會,都要作出取捨。佢又話,兩個囡囡都係由工人同家人照顧,承認同小朋友相處時間好短,因為返工時間同小朋友作息錯開,惟有返工後或者食晏時間衝返屋企見一見。佢話有感錯過囡囡嘅成長,例如小朋友去公園、去圖書館同其他小朋友互動,佢就錯過晒呢啲開心嘅環節。
訪問中,容形容自己係愛玩嘅人,尤其喜歡打機;亦透露小五曾留班,皆因冇乜讀書,到會考成績較差,覺得好大挫敗。不過,佢又話讀書差無所謂,抵得諗先緊要喎。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500