要聞港聞

政情:傳爭立會櫈仔 黃梓謙隻字不提

立法會補選至今仍未有確實日期。 立法會補選至今仍未有確實日期。
立法會補選至今仍未有確實日期。
由於4名議員轉跑道入咗「熱廚房」,立法會需要進行補選。雖然多個黨派表明有意染指相關議席,但唔肯透露人選。據聞,部分落選人士有意再戰補選,當中包括曾參選選委會界別嘅全國港澳研究會理事黃梓謙。佢尋日以兒童事務委員會委員出席籃球比賽,即場同年輕人較量球技,但被問及係咪捲土重來參選,佢就封口唔講。本來個活動議員鄭泳舜同何俊賢都會出席,後來因私人原因冇去到。
曾兩度參選皆敗北
黃梓謙曾參選2016年同2021年嘅立法會選舉。2016年參與香港島選區,當時得票10,028,距離最低票數當選人士仲差2.5萬票。去到2021年,佢改為參選選委會界別,但就「意外」落敗,獲得956票。佢依家就喺一間基金公司度從事公共事務及市場推廣總監。
議席懸空至今,有消息指政府不急於舉行補選,一來政府要加緊步伐,爭取上任百日內「交功課」;二來,因有數個政策局仍未有副局長,「特首政策組」亦正籌組,可能仲需要喺議員中揀人擔任要職,加入「熱廚房」,所以最後未必只有4個空缺議席需進行補選 。
黃梓謙封口唔講會唔會參加立會補選。(蘇榮珊攝)黃梓謙封口唔講會唔會參加立會補選。(蘇榮珊攝)
黃梓謙封口唔講會唔會參加立會補選。(蘇榮珊攝)
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500