要聞港聞

政情:劉慧卿前赴德國 強調會回來

梁繼昌(左)送劉慧卿(右)去機場。 梁繼昌(左)送劉慧卿(右)去機場。
梁繼昌(左)送劉慧卿(右)去機場。
隨住多個國家陸續放寬、或取消入境防疫措施,渴望去旅行嘅港人又有機會出門啦。民主黨前主席、前議員劉慧卿尋日現身機場並拖住個大型旅行篋,話要去德國放假喎。跟住佢就話感謝前議員同事梁繼昌,喺風雨中送佢去機場。劉慧卿出門旅行嘅消息經社交平台傳出之後,好多人留言祝佢旅途愉快,但亦有人質疑佢係咪「走路(佬)」。
梁繼昌雨中送機
其實送別劉慧卿之後,梁繼昌都有用英文喺社交平台留言,透露劉月尾就會回港;而劉嘅黨友兼前議員同事黃碧雲,就祝佢有一個愉快同安全嘅旅程;前議員邵家臻亦有留言話「善待自己,好好休息」。
可能劉慧卿見到有人留言問佢「去邊度遊埠?仲返唔返港?」於是佢再度發出貼文,用中、英文交代自己剛上飛機,會先去曼谷,繼而轉機前往慕尼黑,仲強調話「會回來的」,又上載佢喺機艙內揮手嘅照片。之不過,張相到底係邊個幫佢影呢?莫非佢今次出門,並非孤身一人?
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500