要聞港聞

政情:江玉歡:康文署招數似化妝 鎮唔住炒場黨

江玉歡要求喺假期開放學校運動場畀市民用。 江玉歡要求喺假期開放學校運動場畀市民用。
江玉歡要求喺假期開放學校運動場畀市民用。
雖然康樂及文化事務署不停出招遏止炒場黨,但係呢啲招數仍然有好多缺口,反而養肥咗佢哋。打開羽毛球嘅議員江玉歡(Doreen)亦鬧爆政府嘅招數,似係化吓妝咁,根本鎮唔住班炒場黨。
Doreen尋日喺社交平台貼文話20幾年前學過打羽毛球,但近幾年就打少咗,但阿仔叫到,佢都會落場搓吓波。期間亦見到康文署外判職員喺中段時間查身份證,佢覺得應該係仲有人炒場嘞!仲話依家炒場黨惟有陪坐,見招拆招,賺多一筆,但問題冇解決過。佢批評政府點解永遠唔能夠根治問題,亦唔係全心投入去解決,只係做一半或表面化吓妝,反問又點可以鎮得住班炒場黨呢?
指學校運動場 假日可開放公眾
歸根究柢,都係來自供求問題。Doreen反問政府有冇諗過開放學校運動場畀公眾使用,增加場地供應?事關大部分學校都係公帑興建,點解星期六、日、假期同暑假唔開放畀公眾,令公共資源得以善用?佢認為政府要諗吓喺疫情過後,開放學校運動場畀公眾使用,紓緩場地嚴重不足嘅問題。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500