有性趣：年紀愈大愈愛愉虐？

現擁有一間愉虐俱樂部嘅47歲愉虐女王Mistress Sandy Star，早前接受媒體訪問時表示，佢原本係私人健身教練，因為失業便開始網絡直播愉虐表演，之後有粉絲問佢能否提供愉虐服務，因而令佢萌生成為愉虐女王嘅念頭，跟住佢喺倫敦學習綑綁等調教技巧，學成後便開業，服務對象有單身人士，亦有已婚人士，年齡由20歲到70幾歲都有，而主要客人年齡則係65歲至75歲之間。談到最受歡迎項目，佢表示分別係「領呔與挑逗」，即係用領呔蒙住客人雙眼嚟進行調教遊戲，及「後門玩樂」兩項。被問到工作最困難嘅地方，佢坦言係要帶領陌生客人進入自己嘅女王世界，係個相當大嘅挑戰。