昔日東方有性趣：金錢換終身禁慾 只需377萬？
究竟要幾多錢，先至接受終身禁慾呢個條件呢？可能有人話曳曳無價，幾多億都冇得傾，只係英國早前有調查發現，當地男女原來只要平均40萬英鎊（約377萬港元），就願意終身禁慾。
低過預期
英國網媒We Love Brum發表一項英國男女嘅性慾報告，其中一項問受訪嘅2千名英國成年男女，要接受幾多錢，先至願意終身禁慾？結果發現金額低過大家嘅預期，平均40萬英鎊（約377萬港元）就得！大家要留意，呢個只係平均數，而喺受訪嘅眾多城市中，以貝爾法斯特嘅男女要求價錢最高，約為52萬8千英鎊（約497萬港元），而紐卡素嘅索價卻係最低，約30萬5千英鎊（約287萬港元）就答應條件。可能有人會覺得金錢誠可貴，但性愛價更高喎！其實睇埋報告中另一個結果，便明白點解佢哋會接受，因為喺受訪者中，竟然有五分之一人從未有過性行為，而問到朱古力及曳曳二選一時，更有33％受訪者情願放棄曳曳，都唔願意放棄朱古力，真係估你唔到！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
