有性趣：「花花公子」愛公仔

呢位叫Jay嘅美國男子，喺網上開設個人頻道「Jay Doll King Hefner」，仲搵嚟4位身材激凸又衣着性感嘅「女友」Kail、Asuna、Tsunade及Saima一齊拍片，但係睇真啲，佢哋原來係情趣娃娃嚟！據Jay講頻道嘅名稱，係向Hugh Hefner致敬，同時更夢想打造有20名「女友」嘅後宮。有網民問佢能否對「女友」付出真愛，佢坦言對每位「女友」嘅愛都係真心嘅。又有網民問佢點解唔搵番個真正嘅女朋友，可以充實到男人嘅靈魂。不過Jay卻唔係咁諗，佢話作為男人，充實靈魂要靠自己而唔係靠人哋，而女人總係會令佢傷心，亦影響佢生活嘅平衡，呢個就係佢情願愛情趣娃娃，而唔愛女人嘅原因。佢又補充話，相對於會年華老去嘅女人，情趣娃娃先至可以成為愛的永恒。