MIRROR英文歌猛人助陣譚旻萱「高」不可攀 Edan?女出事

人氣男子組合MIRROR第一首英文團歌《RUMOURS》MV前晚全球發行，特別揀選具香港特色的舊式理髮店及香港大球場等地方拍攝，更請得跟防彈少男團合作的音樂人作曲。首次演繹英文歌，錄音時有聲樂教練Andrew教12子咬字及發音，姜濤發現每個人唱英文跟廣東歌的聲音大有分別：「我好鍾意Ian唱英文歌時把聲，比較自然。」Anson Lo則覺得好玩：「成個氣氛認真得嚟加咗啲搞笑，因為每錄一句，Andrew都會讚一句，佢係錄開國際音樂嘅人，畀佢讚英文好，我好自豪。」

MV中，12子周旋於入選全球百大美女的女主角譚旻萱（Mandy）之間，Edan說：「劇情講我要看住Mandy，但佢突然唔見咗，然後就有接續嘅劇情發生。另外有一幕係望住Lokman同Alton夾住Mandy入嚟，但大家都忍唔住笑，因為Mandy太高！」

Anson Lo進軍外地感緊張

推出英文歌進軍外地，Anson Lo期待又緊張：「要達到國際性Level同Standard係好難，所以唔敢奢望或期待太多嘢，盡力做到最好啦！」姜濤想先得香港觀眾的認可：「海外觀眾係好長遠嘅事，等大家基礎好啲先再諗，依家唔諗太多。」