跳出舒適圈 袁澧林陳湛文 爭做殺手

Angela指角色以文戲為主，所以拍得很舒服：「有一日同Peter講呢度都好早收工喎，跟住全部工作人員就睥實我，原來大家係經歷好多苦楚。」與Angela相反，Peter自稱是「無限制OT團隊」一員：「我嘅角色係好打得，有一幕要同ANSONBEAN打到甩肺，除咗打鬥戲，仲有好多動作戲，例如跑步，好多體力勞動。印象最深刻係好熱，我着住好多衫又要打鬥，差啲中暑！」他坦言向來予人孱弱感覺，故甚少獲邀拍攝動作戲，打趣說：「其實可以嘗試搵我去畀人揪，咁都係動作戲吖，畀人揪好難㗎！」

Angela和Peter去年在電視及電影都有好成績，Peter認為只是坐上了一架很順風的順風車，而Angela坦言：「舊年對我嘅稱讚係人生被稱讚嘅總和，可能之前大家對我期望唔高，突然做到少少，就得到好多稱讚。」她預告還有3部未見街的作品，並自嘲：「其中一部演得幾差，我好期待播出，係兩年前拍，同依家分別好大。我唔想停留喺自己嘅舒適圈，想演挑戰大嘅角色，寧願做出嚟差，但學到嘢。」並自言恨演女版「殺手廢J」及病態角色。